【飛魚王子】退役15年復出先進組世錦賽 方力申撐本土泳手衝出國際

【飛魚王子】退役15年復出先進組世錦賽 方力申撐本土泳手衝出國際

蘋果新聞 April 7, 2020 22:00:00

退役15年,要復出再戰國際賽場絕非易事,不過前香港游泳代表隊成員方力申(小方)卻以行動告訴大家:「夢想唔係後生仔專利。」

去年看到小方為慈善復出,破紀錄以10小時43分06秒完成45公里環香港島,成為首位完成45公里環島泳的港人,亦是第四位完成此項挑戰的泳手。當時一班行家打趣道「也許ABC君,這次也不及方力申。」怎料小方在今年三月突然在ig宣佈再戰國際賽事,打算參加國際泳聯(FINA)先進組世界游泳錦標賽。被問及此事,小方第一反應竟為:「其實冇諗過咁多人問我呢件事,呢個唔係精英比賽,係我口中嘅耆英比賽。」雖說這是先進組的分齡賽事,但選手年滿25歲便可報名參加,而剛踏入不惑之年的小方將參加40至44歲組。

小方在2000年悉尼奧運後加入娛樂圈並逐漸淡出泳壇,他坦承在去年的環島泳之前,近15年不曾游泳,也對游泳喪失興趣 ,「游水係個人運動,冇乜樂趣,唯獨係有好成績就會繼續游。所以我游完奧運入行加埋讀書,知道自己唔會再進步,你唔會想做一樣嘢一直差落去。」不過備戰環島泳起每周練水5至6次,令小方開始重拾水感之餘,也重燃游下去的動力:「環島泳後最大得着,係發現夢想唔係後生仔專利。當我3、40歲有個夢想,去圍住自己屋企游一圈。我由一開頭好辛苦,400米都游唔完,到慢慢有番自信,最後得咗。自己開心之餘都感染到人,令人想Pick up番自己放低嘅興趣 所以就覺得興趣目標係冇年齡限制。」

為免因失去目標而永久放棄游泳,小方決定報名參加先進組世界游泳錦標賽,他更透露受到前香港羽毛球隊表陳念慈的邀請,將會參加明年在關西舉行的世界先進運動會,同行的還有單車名宿洪松蔭。他笑言現時每星期至少練水三次,每次在早上5、6時開始,希望可以操起體能,加強爆發力去應付比賽。小方直指重出泳壇後喚醒自己的好勝心,不願在賽場落敗,只好不斷裝備自己,「可能我喺演藝界唔係一線,但游水我係一線,我40歲嚟講都係游得最好。」

東京奧運因武漢肺炎延至2021年舉行,FINA賽事或因而為到影響,但小方卻表示在成年人的世界瞬息萬變,自己會以平常心應對一切:「其實參賽都只係一個目標,就算我今日話出年比賽,都可能因為做嘢練唔到水,或者結婚生仔練唔到水。冇人知道一個成年人一年內會有咩變改,只係畀自己一個目標去做。」不過提到奧運延期,小方指對現役運動員的影響極大,亦希望港將可把握機會爭取達標:「其實對香港嚟講可能延長番達標時間,除咗歐鎧淳同何詩蓓之外,可能再有其他選手達標。不過咁都公平,全世界都延期一年,只可以做好自己。」

小方曾於00年以運動員身份參加悉尼奧運,往後兩屆的雅典和北京奧運,他除了傳遞聖火外,也為電視台擔任評述員,以不同身份參與其中。能夠參與奧運,是運動員的夢想,小方也不例外。他說:「奧運係超過10年嘅訓練換嚟嘅一個回憶。當然你由細個嗰陣未必會知道自己有機會去奧運,但慢慢真係實現到嘅時候,就會覺得呢件事係好美好。」至今仍以作為土炮泳手而自豪的小方,期望後輩能青出於藍,「好似何詩蓓咁樣,土生土長嘅運動員都可以去到世界級,其實對香港泳手係一個好好嘅鼓勵。歐鎧淳又係啦,去到28歲仲游到個人最佳成績,仲可以喺主項(100背)達到A標。」

談及一班後起之秀,小方也笑稱自己太早退役,他也承認1998年曼谷亞運在男子4×200米自由式接力得梗頸四後,曾計劃要在往後的亞運再衝一面獎牌。不過完成悉尼奧運後入娛樂圈,同時入讀香港大學經濟及工商管理系,當時作出權衡後,終選擇以學業及演藝事業為先,並將游水放在第三位,之後更慢慢淡出泳壇。

傳媒慣性為人起朵,在方力申眾多綽號之中,「飛魚王子」大概是最歷史悠久的一個,就連他在加入娛樂圈後的首部電影《2002》,也是出演「水鬼」一角。泳手變藝人看似噱頭十足,但小方卻透露自己入行初期,很介意別人提及其運動員的身份,「一開始我好介意人哋記得我係運動員,覺得咁樣唔專業,應該話我係演員或歌手。」不過隨年漸長,小方發現只有自己更加努力,才能獲得別人尊重:「大個就慢慢諗,我一係被觀眾淘汰,一係自己爭氣,咁咪一路學一路做。其實最緊要係要有自知之明,所有嘢係自己爭返嚟,唔係人哋畀。」說起來好像很輕鬆,但小方從介意到釋懷,也花了不少時間學習。他直言運動員要轉行,可能比普通人來得困難,但「做好自己」卻是在各行各業都適用的方式:「我哋好難滿足所有人,最緊要係覺得自己有冇進步。就好似運動員都係,好多嘢唔係自己掌握到,要知道自己點樣可以做好啲。」

自己在悉尼奧運寫下的男子200米背泳及男子400米個人混合四式兩項港績塵封廿年,小方直言始料不及,也慨嘆香港泳壇對發展並非好事。18年跟拍檔創辦游泳學校Hong Kong Swimming Academy後,小方有感不少人皆短視及功利,為博升學及加入港隊,在年輕之時便會專項練習,太早定型終限制自己的發展:「我以前要學晒咁多式,打好基礎,甚至可能一個比賽有10項就報足10項。但依家好多人都唔會游400米個人混合四式。佢哋練習專項咗,比賽又少咗,但細細個點知將來邊樣嘢好啲?太細個定型,會抹殺好多潛能。」

大家在一年前以為小方的港績,會由杜敬謙打破,因此子在16年從澳洲回流,翌年取得代表香港比賽的資格後大放異彩,連番刷新長池及短池的港績,至今仍保持15項不同紀錄。小方提起對方時表示:「佢絕對可以幫到男子泳員嘅士氣,佢一個可能幫到男子接力隊成團。我覺得佢有機會喺亞洲比賽有獎牌,可能話到給人知細粒都出到成績。」惟天妒英才,他在去年三月美國訓練期間昏迷,送院搶救後不治,終年26歲。作為師兄的小方在社交網站發文悼念,並指對方為「巨人殺手」,並以精神感染大家。

小方復出完成環島泳後,除了計劃重投賽場外,更希望以身作則成為好教練,培養游泳學校的一班小學員。他笑言:「希望班學生知道方教練有幾好,而唔係聽到爹哋媽咪話我以前游得有幾好。可能佢哋平時游一個鐘頭都嗌辛苦,但我可以連續游10個鐘頭,對於我教佢游水時說服力都大啲囉。」從參加悉尼奧運後逐漸淡出泳壇,到放下游泳15年後毅然復出,小方無悔一切決定。不過唯一令他感到懊惱的,大概是草率遞交學生照去製作奧運選手證。看着20年前的自己,小方也不禁笑言:「以前求其交張學生相,早知我搵張靚啲嘅相,20年後先知係咁緊要嘅。」

退役15年,要復出再戰國際賽場絕非易事,不過前香港游泳代表隊成員方力申(小方)卻以行動告訴大家:「夢想唔係後生仔專利。」(蘋果日報)

三張奧運證件,小方最後悔用了學生時期的陸軍裝相片辦證。(蘋果日報)

小方在2000年悉尼奧運後加入娛樂圈並逐漸淡出泳壇。 (蘋果日報)

小方曾於00年以運動員身份參加悉尼奧運。 (蘋果日報)

小方明年將出戰在關西舉行的世界先進運動會,同行的還有單車名宿洪松蔭。圖為二人為電視台擔任奧運主持。

去年看到小方為慈善復出,破紀錄以10小時43分06秒完成45公里環香港島。

除了傳遞聖火外,小方也為電視台擔任評述員,以不同身份參與其中。

歐鎧淳曾與小方進行環島游。

18年跟拍檔創辦游泳學校Hong Kong Swimming Academy

Enquiry

Please feel free to contact us

    Leave a comment