搞游泳學校一腳踢 方力申蝕錢都要出分力

搞游泳學校一腳踢 方力申蝕錢都要出分力

頭條日報 July 5, 2018 21:30:00

方力申(Alex)曾是香港游泳代表隊隊員,01年退役加入娛樂圈後,一直專心唱歌和拍戲。至月前與友人合資過百萬開辦游泳學校「Hong Kong Swimming Academy」。他稱由搵場地、老師,到設計課程、回答查詢都不是簡單的事。他明白萬事起頭難,所以凡事親力親力,除了做助教,乜都一腳踢。他笑言原本預算一年回本,但他的拍檔卻保守估計可能要蝕兩年錢,反而令他壓力冇咁大,不過他對自己和團隊都有信心,「如果我連最擅長嘅游水都做唔好,其他嘢都唔使做。」

方力申自當藝人後,覺得這是一份好好的職業,從沒想過做有關游水的工作,因他不想與自己的教練和隊員爭飯食。直至去年他的牙醫問他有沒有游水教練介紹,並追問他為何不開校授課?既可培育精英,為社會出一分力,也可分享自己過往的經驗,他覺得很有道理,並着手籌備。過程中最難是搵場地,他坦言:「因為我哋唔係老字號泳會,而且我識游又唔代表我識教。」直至認識拍檔,她出馬終於搵到場地,並在黃竹坑區授課。

二百幾蚊一堂

現時他除了宣傳,又要聽查詢電話,還會做助教,忙到不得了,他坦言:「學校 facebook Page都係我搞,ig都係我開。」為開校他更推卻了部分工作。問其父母支持嗎?他笑言他們用激將法鼓勵他:「睇你都係三分鐘熱度,因為佢哋驚我唔夠時間,始終做生意唔係咁容易。」但此令他更積極去做,而且他對自己的團隊充滿信心,「我請咗3個全職教練,7個兼職,我又會幫手做助教,O依家教練多過學生,家長見到實好放心。」他續稱歲半的小朋友可以開始學,教晒四式,二百幾蚊一堂,新張期間仲有七折。開業近一個月已有數十名學生,反應不俗,他預計兩年內回本。

Enquiry

Please feel free to contact us

    Leave a comment