方力申5個半鐘游17公里：人生最遠！
on.cc 東網 August 17, 2019 17:00:00
加油呀！
藝人方力申（小方）早前透露自己將於11月參加「香港環島泳45公里慈善挑戰」，為咗今次挑戰，小方當然要努力練習。
今日佢喺網上分享一段短片，片中指自己用咗5個半鐘從淺水灣海灘游到大浪灣海灘，全程17公里，係佢人生游得最遠嘅一次：「一開始狀態麻麻，中間畀啲浪搞到自己反胃同想嘔，不過後期愈游愈順，啲浪好似幫自己推進，所以後來覺得自己狀態較好，感覺好似游咗10公里，其實游咗17公里，我會繼續努力。」
